حکایت نمبر 22 درختوں ‏پر ‏حکومت ‏

     ایک مرتبہ ایک اعرابی نے حضور صلی اللہ علیہ وسلم سے کہا اے محمد! اگر آپ اللہ کے رسول ہیں تو کوئی نشانی دکھلائیے حضور نے فرمایا اچھا لو دیکھو! وہ سامنے جو درخت کھڑا ہے اسے جا کر اتنا کہہ دو کہ تمھیں اللہ کا رسول بلاتا ہے  چنانچہ وہ اعرابی اس درخت کے پاس گیا اور اس سے کہا، تمھیں اللہ کا رسول بلاتا ہے وہ درخت یہ بات سن کر اپنے آگے پیچھے دائیں بائیں گرا اور اپنی جڑیں زمین سے اکھاڑ کر زمین پر چلنے لگا اور چلتے ہوئے حضور کی خدمت میں حاضر ہوگیا اور عرض کرنے لگا، السلام علیک یا رسول اللہ! وہ اعرابی حضور سے کہنے لگا اب اسے حکم دیجئے کہ یہ پھر اپنی جگہ پر چلا جائے چنانچہ حضور نے اسے فرمایا کہ جاؤ واپس چلے جاؤ ۔بوہ درخت یہ سن کر پیچھے مڑ گیا اور اپنی جگہ جاکر پھر قائم ہوگیا ۔

     اعرابی یہ معجزہ دیکھ کر مسلمان ہوگیا اور حضور کو سجدہ کرنے کی اجازت چاہی حضور نے فرمایا سجدہ کرنا جائز نہیں پھر اس نے حضور کے ہاتھ پیر مبارک چومنے کی اجازت چاہی تو حضور نے فرمایا ہاں یہ بات جائز ہے اور اس نے حضور کے ہاتھ اور پیر مبارک چوم لئے۔

(حجۃاللہ علی العالمین صــــ441)

سبق: ہمارے حضور کا حکم درختوں پر بھی جاری ہے اور یہ بھی معلوم ہوا کہ ہاتھ پیر چومنے جائز ہیں حضور صلی اللہ علیہ وسلم نے اس سے منع نہیں فرمایا۔